Náttúran.is

Hvalaskoðun

Á Græna kortinu er hægt að fá upplýsingar um hvalaskoðun.

Skilgreiningin sem við flokkum eftir er eftirfarandi:
Fyrirtæki sem bjóða upp á hvalaskoðunarferðir.

Sjá nánar um hvalaskoðun hér á Græna kortinu undir flokknum „Hvalaskoðun".

Grafík: Myndtákn Green Map® System flokksins „Hvalaskoðun“, hannað af Guðrúnu A. Tryggvadóttur sem tillegg til Green Map kerfisins.

Einkunn

Rannveig Grétarsdóttir framkvæmdastjóri Eldingar hlaut verðlaun FKA

Rannveig Grétarsdóttir, framkvæmdastjóri og einn stofnenda hvalaskoðunarfyrirtækisins Elding / Hvalaskoðun Reykjavík ehf. hlaut í gær viðurkenningu FKA, Félags kvenna í atvinnurekstri. Rannveig Grétarsdóttir stofnaði og stýrir Eldingu og hefur gert fyrirtækið að einu framsækasta fyrirtæki landsins á sviði umhverfismála en Elding hefur EarthCheck vottun og Bláfánaveifuna. Náttúran.is óskar Rannveigu hjartanlega til hamingju með viðurkenninguna.

Ljósmynd: Rannveig Grétarsdóttir, af vef Eldingar.

Einkunn

FSC - Forest Stewardship Council

Forest Stewardship Council eru alþjóðleg samtök sem merkja viðarframleiðslu og aðrar skógarafurðir. Gerðar eru kröfur um að skógræktin taki mið af sjálfbærri þróun, að skógarafurðir séu vistvænar. Mörg önnur umhverfismerki krefjast þess að viður í vörum sem þau votta uppfylli kröfurnar samkvæmt FSC.

Sjá nánar á vef FSC.

Einkunn

Ófullnægjandi aðbúnaður varphæna

Framkvæmdastjórn Evrópusambandsins gaf í dag stjórnvöldum í 13 ESB ríkjum lokafrest til að bæta lífsskilyrði varphæna. Ella yrði gripið til lögsóknar að tveimur mánuðum liðnum.

Könnun hefur leitt í ljós að sjöunda hver varphæna í Evrópu - 47 milljónir af 330 milljónum - er látin hýrast í búri, sem er ekki stærri en vélritunarblað. Samkvæmt lögum frá 1999, sem gengu í gildi um áramót, ber eigendum varphæna að sjá til þess að þær hafist við í nógu rúmgóðum búrum til að þær geti hreiðrað um sig, klórað sér og sofið á priki.

Löndin sem hafa fengið lokaviðvörun eru Belgía, Búlgaría, Grikkland, Spánn. Frakkland, Ítalía, Kýpur, Lettland, Ungverjaland, Holland, Pólland, Portúgal og Rúmenía. Samkvæmt lögunum sem gengu í gildi 1. janúar verður óheimilt að flytja út og selja í smásölu egg frá þeim sem ekki virða lögin um aðbúnað varphæna. Heimilt er að nota eggin í iðnaði. Til viðbótar við löndin sem hafa fengið lokaviðvörun eru Bretar til sérstakrar athugunar.

Ljósmynd: Gunna hæna, Guðrún Tryggvadóttir.

Einkunn

Blái marmarinn 2012

Geimferðastofnun Bandaríkjanna birti nýja gervitunglamynd af Jörðinni í gær. Upplausn ljósmyndarinnar er mikil og sýnir jörðina í áður óséðu ljósi.

Það var Suomi NPP gervitunglið sem náði myndinni. Gervitunglinu var skotið á loft seint á síðasta ári. Því er ætlað að fylgjast með og rannsaka veðurfar jarðarinnar.Myndin er kölluð „Blue Marble 2012" og er það vísun í ljósmynd sem geimfarar Apollo 17 geimskutlunnar náðu af jörðinni árið 1972.

Vonast er til að Suomi NPP gervitunglið eigi eftir að endurbæta veðurspár ásamt því að auka skilning vísindamanna á langtíma breytingum á veðurfari Jarðarinnar.

Hægt er að skoða myndin í fullri stærð á heimasíðu NASA.

Einkunn